Kiu estas Ksenu’? |
Iam, antaŭ multe da tempo (precize 75 milionoj da jaroj), estis aliplaneda galaksia estro nomita Ksenu’. Ksenu’ estris ĉiujn planedojn en tiu ĉi parto de la galaksio, kiu inkluzivas ankaŭ nian planedon mem — la Tero — sed en tiuj tempoj, ĝi nomiĝis «Tijgijako».
Nu, Ksenu’ havis problemon. Ĉiu el la 76 planedoj, kiujn li estris, tropopolamasis. La planedoj havis po meznombre 178 mil milionojn da homoj. Li volis forigi ĉiun tropopolamason, do li havis planon.
Ksenu’ uzurpis tutan kontrolon, kun helpo de renegatoj, por
venki la bonajn homojn kaj lojalajn oficirojn. Tiam, kun helpo de
psiĥiatroj, li kunvokis milojn da milionoj da homoj al
enspez-imposta inspekto, kie oni donis al ili anstataŭe injektojn
de miksitaj alkoholo kaj glikolo por paralizi ilin. Tiam oni metis ilin en
spacoŝipojn, kiuj aspektis ekzakte kiel aviadiloj «DC8»
(escepte ke ili havis fuz-moviadilojn anstataŭ
tirhelicoj).Ĉi tiuj spacaviadiloj flugis tiam al la planedo Tero, kie oni metis la paralizitulojn en stakojn ĉirkaŭ la bazoj de vulkanoj po cent-miloj da milionoj. Post ke oni finis la enstakadon, oni metis hidrogen-bombojn en la vulkanjon. Ksenu’ tiam eksplodigis ĉiujn hidrogen-bombojn samtempe, kaj ĉiuj mortiĝis.
La rakonto tamen ne finiĝas tie. Ĉar ĉiu havas animon (nomitan «tetano» en tiu ĉi rakonto), oni devas trompi la animojn, por ke ili ne venu reen. Do, kiam la nukleaj ventoj ĉirlaŭblovis la cent-milojn da milionoj da animoj, li havis specialajn elektronikajn kaptilojn, kiuj kaptis la animojn en elektronikaj radioj. (La elektronikaj radioj estis gluecaj, kiel muŝo-kaptanta papero.)
Post ke li kaptis ĉiujn ĉi tiujn animojn, li ordonis, ke oni paku ilin en kestojn kaj konduku ilin al iuj grandegaj kinejoj. Tie, ĉiuj animoj devigis pasigi tagojn en observi specialajn tri-dimensiajn kinojn, kiuj diris al ili la morojn, laŭ kiuj ili vivu, kaj multajn konfuzigajn aferojn. En tiu ĉi kino, oni montris al ili falsajn bildojn, kaj diris al ili, ke tiuj ĉi estis Dio, la Diablo, kaj Kristo. En la rakonto, tiu ĉi proceso nomiĝas «enplantado».
Kiam finiĝis la kinoj kaj foriris la animoj el la kinejoj, tiuj ĉi animoj ekgluis kune, ĉar ĉiuj vidis la samajn kinojn, kaj ĉiuj kredis, ke ili estis la samaj homoj. Ili kolektis sin en amasojn de kelkaj miloj. Nu, ĉar estis nur kelkaj vivantaj korpoj, ili restis en amasoj, kaj loĝis en tiuj korpoj.
Nu, koncerne Ksenuon, la lojalaj oficiroj finfine renversis lin kaj forŝlosis lin en monto sur unu el la planedoj. Lin hodiaŭ entenas fort-kampo, kiun povigas eterna baterio, kaj Ksenu’ vivas eĉ hodiaŭ.
Tiel finiĝas la rakonto. Do hodiaŭ ĉiu estas plena je tiuj ĉi amasoj de animoj nomitaj «korp-tetanoj». Kaj se oni volas esti libera animo, oni devas forpreni ĉiujn ĉi tiujn «korp-tetanojn», kaj spezi multon monon, por fari tiel. Kaj homoj kredas je Dio kaj je Kristo nur ĉar tio estas en la kino, kiun vidis ilia korp-tetanoj antaŭ 75 mil milionoj da jaroj.
Nu, ĉu vin plaĉis tiu rakonto?
Kio? Vi ja opinias, ke ĝi estas rakonto stulta, ĉu?
Nu, ni ankaŭ opinias tiel. Tamen tiu ĉi rakonto estas la kern-kredo en la religio konata kiel «Scienciko»†. Se homoj scius pri tiu ĉi rakonto, la plimulto da homoj neniam implikus sin kun ĝi. Tiu ĉi historio rakontiĝas al oni, kiam oni atingas unu el la sekretaj niveloj, nomita «OT III». Post tio, oni komunikus telepatie kun tiuj ĉi korp-tetanoj, por foririgu ilin. Oni devas elspezi multon por atingi tiun ĉi nivelon kaj por fari tion ĉi (aŭ oni devus labori severe por la organizaĵo kontraŭ ekstreme malgranda salajro dum multaj jaroj).
Ni rakontas tiun ĉi historion al vi kiel averto. Se vi implikos vin kun Scienciko, ni volas, ke vi faros tiel kun okuluj malfermataj kaj plene konscia je la materialo, kiun ĝi entenas.
|
|
La plimulto de la sciencikistoj, kiu laboras en la centroj de Dianetiko† kaj en la tiel-nomitaj eklezioj de Scienciko ne scias tiun ĉi rakonton antaŭ ol ili atingos la sekretajn «superajn» nivelojn de Scienciko. Ili eble pasigos multajn jarojn, antaŭ ol ili antingos tiun ĉi nivelon, eĉ se ili tion faros. Tiuj, kiuj scias tion, devigas konservi ĝin sekreta, kaj ne rajtas rakonti ĝin al la homoj, kiuj aliĝas Sciencikon. |
| Parto de la una paĝo de la sekreta dokumento «OT III», manskribita de L Ron Hubbard mem |
Nun vi scias ilian grandan sekreton. Sed tio ne devigu vin
ne aliĝi Sciencikon.
† «Dianetics» (Dianetiko) kaj
«Scientology» (Scienciko) estas fabrikmarkoj de Religious
Technology Centre (Religia Teĥnologi-Centro). Tiu ĉi dokumento
neniel konektiĝas kun tiu organizaĵo.
